Scots, wha hae wi' Wallace bled|
Scots, wham Bruce has aften led
Welcome to your gory bed
Or to victory!
Now's the day an' now's the hour
See the front of battle lour
See approach proud Edward's pow'r
Chains and slavery!
Wha would be a traitor knave?
Wha would fill a coward's grave?
Wha sae base as be a slave?
Let him turn and flee!
Wha for Scotland's king an' law
Freedom's sword would strongly draw
Freeman stand and freeman fa'
Let him on wi' me!
By oppresion's woes and pains
By your sons in servile chains
We will drain our dearest veins
But they shall be free.
Lay the proud userpers low!
Tyrants fall in ev'ry foe
Liberty's in every blow
Let us do or dee!